PSG leh Nice inhnehtawk

Pathianni zan French Ligue 1 inkhelah hma-hruaitu nih inchuh Paris St-Germain leh Nice te chu 2-2 in an inhnehtawk. Nice hian point 40 hmu-in hnahruaitu an nih chhunzawm a, an hnuaiah hian point 39 hmutu Mo-naco leh PSG te an awm.

Nice tan France Un-der-21 midfielder Wylan Cyprien chuan yard 25-a hla aṭanga freekick pet lut-in goal hmahruai a khung a, chawlhlawk hma chiahin Alassane Plea-a'n an goal hnihna a khung bawk.

PSG-in second half-ah champion zia an chhuah a, an tlawm duh lo. Edinson Cavani hmangin an goal hnih phurh an sut. Uruguay international hian tun season league match 16 a khelh aṭangin goal 16 a khung der tawh.

PSG manager Unai Emery chuan, "Result ṭha a ni lo, mahse goal hnih kan phurh hnua kan beih let dan avang erawh chuan ka lawm," tiin a sawi.

Nice coach Lucien erawhin point thum hmuh an inbeisei laia goal an chhuah leh chu pawi a tih viau laiin an lungawi loh thu a sawi ve thung.