final-ah tuipui tlangval vana

Senior Men National Boxing Cham-pionship-ah Tuipui tlangval John Kenty H.C. Vanhlimpuia'n final a lut.

Guwahati, Assam-ah nimin khan semifinal khelh zawh a ni a, Vana hian 75 kg-ah final lut turin Manipuri boxer Nanao Singh chu third round-ah a knockout a, vawiinah final khelh a ni ang. Laldinmawia chuan 52 kg-ah Chandigarh boxer Deepak Singh chu split decision-in a hneh lo a, bronze medal-ah a lungawi a ṭul.

Tuipui boxer Dinmawia hian bronze medal la tur hian first round-ah J&K boxer Sandeep Singh chu unanimous decision-in a hneh a, second round-ah Andhra Pradesh boxer Appala Raju chu split decision in a hneh a, quarterfinal-ah Himachal Pradesh boxer Rahul chu hneh leh mah se semifinal-ah Deepak Singh lakah split decision-in a vanduai.

Mizo mipa boxer zingah National Boxing Championship-ah gold medal la thei an la awm lo a, Olympic-a tel pha Zoramthanga pawhin a vanglai khan Mizoram tan gold medal a hawn lo.

Tuna Mizo mipui innghahna chu Vana a ni a, Tuipui boxer hian national level-ah kum 2011 khan bronze medal a la tawh a, North East Games-ah erawh kumin khan gold a la. LPS Pro Fight-ah Vana hi category pahniha champion hmasa ber a ni a, Mizo mipa boxer zinga national level-a gold medal la hmasa ber ni thei dinhmunah a ding mek.