Semifinal-ah Barty a lut

Hmeichhe tennis world number 1 Ashleigh Barty chuan Petra Kvitova hnehin WTA Finals khelh laiah semifinal a inhlangkai a, a chak lo Kvitova erawh group stage paltlang loin a zinkawng a tawp.

Ningani zan inkhelah kum 23 mi Barty hian Wimbledon vawi hnih champion tawh Kvitova hi 6-4, 6-2 in a hneh a, a vawi khat nan a thiam pariat inelnaah hian a champion theih a beisei. Group match dangah Belinda Bencic leh Kiki Bertens te an inhmachhawn thung a, Bencic-i'n 7-5, 1-0 a hma a hruai laiin a khingpui hi damlohna vangin a inhnukdawk a, semifinal a luh theih phah - knockout round lamah chuan champion lai Elina Svitolina a hmachhawn 

leh ang.

Kumin WTA Finals-ah hian Naomi Osaka leh Bianca Andreescu te pawh hliam vangin an inhnukdawk tawh a, Bertens a inhnuhdawh leh tak avangin player pariat zinga pathum ngawtin inelna an hmachhawn tluan thei lo.