Chelsea-in Acheampong hralh an tum lo

Xabi Alonso hoa season thar hmachhawn tur Chelsea chuan an defender ṭhangduang Josh Acheampong chu dawrtu nei nual mah se, hralh tumna an nei lo a, Stamford Bridge-ah cham chhunzawm tir zel an tum.

Kum 20 mi defender hi Chelsea academy aṭanga inzir chhuak a ni a, a kum a la nau deuh avangin Blues tan a la inlan tam tawk lo. Season hmasa khan London club tan hian league-ah match 17 chu a khel ve a, match kua chu bench aṭangin a lut.

Mahse, a kum a la nau avangin Blues hian nakin hun atana an player pawimawh la ni thei turah an ngai a, an player kawl mek zinga khawih chet thiang loa an dah, forward Joao Pedro, Cole Palmer leh midfielder Moises Caicedo te zingah an dah niin an sawi.

Acheampong hian Blues-ah hian kum 2029 thleng contract a la nei a, amah ber hian chhuah a duh leh duh loh hriat a la ni lo. Hetihrual hian Premier League champion Arsenal, Newcastle United leh Crystal Palace te chuan an ngaihven nia sawi a ni a, season hmasa ṭan dawn khan Bournemouth chuan lakluh tumin an lo ngaihven tawh bawk.