Chelsea vs Sunderland Chungleng vs Hnuaileng
Khawvela league harsa ber pawla ngaih Premier League hmahruaitu nih a harsat zia chu Spain leh Germany-a vawk lal len tawh Pep Guardiola-a'n a hrechiang ang. Antonio Conte-a enkawl Chelsea-in a zawnin league match kuaah hnehna an chang tawh a, hmahruaitu an ni bawk. Zanin dar 1:15 a an luhchih tur Sunderland hi table mawngphaha awm an ni thung - chungleng leh hnuaileng an inhmachhawn dawn.
Leicester City laka tlawm hlim Manchester City chuan dar 1:30-ah Watford an mikhual dawn a; Tottenham hneh thei Manchester United chu Crystal Palace khel-mualah an lenglut bawk ang.
April 19, 2014
Jose Mourinho-a'n Chelsea a enkawl laiin Stamford Bridge chu mikhual tana len luh huphurhawmna ber hmun a ni ṭhin. Portuguese manager kaihhruaina hnuaiah Blues hian an khelmualah match 77 chhung zet chak loh an nei lo.
Kum 2014 April 19 a ni a, Premier League aṭanga tla thei dinhmuna ding Sunderland chu Stamford Bridge-ah an lenglut. Chelsea hi chak se league hmahruaitu ni thei an ni a, Black Cats erawh an dinhmun a ṭha lo hle. Beisei loh takin Gus Poyet-a naute hian Connor Wickham leh Fabio Borini te goal hmangin 2-1 in hnehna an chang - hemi hnu hian a zawna match li chhung hneh-na changin an inhamtang zui.
Tun dinhmunah Chel-sea hi Premier League hma-hruaitu leh team kal-tluang ber an ni, an khingpui tur Black Cats hi point hmu tlem ber (11 points) an ni mek. David Moyes-a naute tan insiamṭhatna hun ṭha a nih rualin fiahna hautak bera ngaih a ni dawn. Sunderland tana an hmachhuan tur pakhat chu Stadium of Light-a an league match hnuhnung pahniha Hull leh Leicester City an hneh kha a ni ang.
Sunderland hmabak hi a awlsam dawn lo - an khingpui tur Blues hian Diego Costa an nei. Spain international hian league match 15 khelh tawh
aṭanga goal 12 khungin ani aia khung hnem an awm lo.
Atletico Madrid leh Blues tana a khelhpui keeper Thibaut Courtois chuan, "Chelsea leh Atle-tico tan Costa nen hian nomawi kan chawi tawh. Khang hun lai kha a khelh ṭhat lai a ni a, dan theih lo ang mai a ni. Tun season-ah goal pawimawh a khung thei hle a, kum danga min lo hlawhtlinpui tawh angin nomawi min chawi pui leh ngei ka beisei," a ti. Kum 28-a upa Costa hian an leagUe match hnu-hnung bera West Brom an hneh-na goal awmchhun a khung a ni.
United tak tak?
Manchester United-in Mou-rin-ho kahhruaina hnuaiah khawvela player manto ber Paul Pogba nei mah se beisei an phak lo. Kartawp inkhela Tottenham 1-0 a an hneh ṭum erawhin United tak tak kan hmu leh tawh - an goal nawr a na a, hnehna chan duhin an tuihal tih a chiang.
United hian hliam vangin Henrikh Mkhitaryan an chhawr thei dawn lo tih a chiang. Eric Bailly erawh a dam tawh a, Ivory Coast international hi hliam a tawrh hmain United league match-ah a inlan kim vek a, a dam a nih chuan Phil Jones emaw Marcos Rojo nen emaw an inkawp thei ang.
Mourinho chuan, "Mkhita-ryan hi Christmas-ah chuan a inkhel thei tawh ang. Zawn chhuah a ngaih kha chuan ka hlauthawng hle a, mahse endik a nih hnuah beisei aiin a lo na lo hlauh. Jones leh Rojo te khan tun hma zawng aiin an khel ṭha tawh a, tunah chuan tlarhnung laia khel tur pathum kan nei ta," a ti.
United hian defender pawi-mawh Antonio Valencia chu hrem vangin an chhawr thei dawn lo thung. Ecuador international hian tun season-ah yellow card vawi nga a hmu tawh a, match khat khel thei lo tura hrem a ni.
Chak thei lo City
Guardiola-a'n champion theih-na zawng zawngah Barce-lona a champion pui a, chumi hnuah Bayern Munich enkawlin Bundesliga-ah a zawnin vawi thum a champion leh bawk. Premier League-ah erawh Spanish manager hi 'mibik' a nihna hmuh tur a la awm lo! League match an khelh hnuhnung pathumah vawi hnih an chak lo a, ṭum khat chu an inhnehtawk.
City miKhual tur Watford hian point 21 hmuin league table-ah pasarihna an ni mek a, an match hnuhnung berah Everton 3-2 in an lehthal thei. Watford hian City lakah sulhnu an nei
ṭha hran lo, an intawn hnuhnung vawi rukah vawi li tlawmin ṭum hnih dang chu an inhnehtawk.
Team pahnihte hi hliam leh hremnain a tihbuai lai ve ve an ni. City hian hrem vangin Sergio Aguero leh Fernandinho an la chhawr thei dawn lo a, defender Nicolas Otamendi-a'n hremna a hman zawh tawh avangin a lo kir thei dawn. Khup na vangin Vincent Kompany a la inkhel theih loh miau avangin Argentina international Otamendi lo kir tur hi Foxes laka goal li chhuah hlim tan chanchin ṭha a ni ang. Watford hian hliam vangin an player panga an chan mek thung.