Benfica enkawl tur Silva

Fulham chhuahsan hlim Marco Silva chuan chona thar hmachhawn turin Portugal lam a pan a, Portuguese coach hian Jose Mourinho thlakin Benfica a enkawl ang.

Kum 48 mi Silva hian kum hnih atan contract ziakin, kum khat dang pawhsei theihna dan a awm tel bawk.

Silva hi a kum la tam lo mah se, coaching lamah tawnhriat a nei nual tawh. Portuguese club Estoril aṭanga bul ṭanin, Sporting Lisbon, Olympiakos, Hull City, Watford, Everton leh Fulham a enkawl tawh.

Estoril hi Portuguese second division-ah a champion pui tawh a, Sporting tan Taca de Portugal nomawi a la tawh bawk. Kum 2016 khan Olympiakos chu Super League Greece-ah a champion pui.

Kum 2021 khan Fulham hi zawmin, Championship nomawi a chawipui a, Premier League-ah an inhlangkai. Budget tam lo takin chungin EPL-ah a champui chhunzawm a, tunah chuan chona thar hmachhawn turin an ram lamah a kir leh ta.