Deschamps hian nomawi nen khar se kan duh - Dembele

FIFA World Cup 2026 hi Didier Deschamps-a'n France team a enkawl hnuhnun ber tur a ni a, Ballon d'Or kawltu Ousmane Dembele chuan an pu thlah nan nomawi an duh thu a sawi.

PSG forward Dembele chuan, "Tun ṭum inelna hi kan coach tan inelna hnuhnung ber tih kan hre ṭheuh ang. Ṭha thei ang bera a tawp khar pui kan duh. Player tin a ring vek a, inkhelh zawh apiangin lawmpuina thu emaw fuihna thu emaw min thawn vek ṭhin. Ka tan chuan a hlu em em a, a ṭha thei ang bera thlah ka duh," tiin

a sawi.

Deschamps hian kum 14 chhung France a enkawl tawh a, FIFA World Cup-ah kum 2018 khan nomawi chawiin inelna hnuhnung berah final an thleng bawk. Tun ṭum inelnaah hian France hi group I-ah Senegal, Iran leh Norway te nen an awm ho a, first round paltlang pawh a harsa dawn.

World Cup khel tur atana inpuahchahnaah France hian Ivory Coast 2-1 in an hneh lo a, zanin dar 12:40 hian Northern Ireland nen friendly match an khel leh ang.