England an chak hram

World champion nih beisei England chuan Inrinni khan friendly match-ah New Zealand chu 1-0 in an hneh hram a, coach Thomas Tuchel-a'n first half leh second half-ah player a thlak danglam hlawk!

England tan hian Harry Kane chuan first half hun pek belhah inkhela goal awmchhun a khung a, ram tan match 113-a goal 79 a khungna chiah a ni - tun season-ah ram leh club tan goal 67 a khung bawk.

Thomas Tuchel-a'n World Cup hmaa a player-te enchhin duhin, first XI chu second half-ah a thlak hlawk a, World Cup khel lo tur Rio Ngumoha pawh luhtir a ni.

Kum 17 mi Ngumoha hi England team-a training ve tura koh niin, World Cup squad-ah erawh a tel lo a, heti chung hian Tuchel chuan warm up match-ah hian ram tana a match hmasa ber a khelhtir ta tho.

England hian June 10, Ningani zanah Costa Rica nen friendly match an khel leh ang a, hemi zawhah hi chuan World Cup match chiah an hmabak tawh dawn.

Three Lions hi group L-ah awmin, June 17, Nilaini zan dar 1:30-ah Croatia nen an match hmasa ber an khel dawn a, Ghana leh Panama te an hmachhawn leh bawk ang.