Aizawl FC 'Nagaland Tour' a hlawhtling

Aizawl FC chuan India hmarchhak huap Football For Peace and Development Initiative Project an siam a, a bul ṭan nan Nagaland tlawhin a hlawhtling hle. India ram pum huap inelna I League thlenga champion tawh Aizawl FC hian Tripura leh state dangte tlawh leh an la tum a ni.

Mizoram Premier League club Aizawl FC hian June 2, Thawhlehni khan Nagaland Inter District Football champion nilai Mon District chu an mual Mon football ground-ah an hmachhawn a, 7-1 in an sawp.

Inkhela ngaihven hlawh zawk erawh June 6, Inrinni khan neih a ni a, Nagaland United SC nen Dimapur-ah an inhmachhawn. Mizo club hian Zomuana leh Fela Hlawndo te goal hmangin 2-0 in hnehna an chang. Aizawl FC hian inkhel hi an assistant coach hlui N. William Koso tan an hlan.

Aizawl FC zin hi Nagaland sorkar ruahman angin Nagaland Football Association, District Football Association leh Dustrict Administration ten an dawng sawng. Dimapur-a inkhelh hi a hmunah Nagaland chief minister Nepheu Rio, Deputy CM TR Zeliang leh Deputy CM tho A. Patton bakah minister te, MLA te leh NEC Shillong hotuten a hmunah inkhel an en a ni