Brazil-in Ederson ko leh hnuhnawh

World Cup khel tura inbuatsaihna kal mekah Brazil full back, Wesley chu Pathianni zana an Egypt nen friendly match an khelh ṭumin a chawnah hliam a tuar a, World Cup a khelh theih dawn loh avangin a aiah Manchester United midfielder thar Ederson an ko.

Pathianni zan inkhelah hian minute 17-na lekah Wesley hian, ball a cross hnu lawkah na a nei a, field chhunga enkawl a nih hnuah khel chhunawm thei loin Danilo-a'n a thlak.

Brazil hian 2-1 in hnehna an chang tho a, Bruno Guimaraes leh Endrick ten goal an khung a, Egypt tan Mostafa Ziko-a'n goal khat a khung ve bawk.

Brazilian Football Confederation chuan thuchhuah siamin, "MRI scan aṭangin a malpui vei lam tha a hliam tih hmuhchhuah a ni a, CBF chuan pawi kan ti hle.

Wesley hi player-te ngainat rawn a ni a, he team hian a vawi rukna atan World Cup title chawi a tumna kawngah he team zinga mi angin pawm reng a ni ang," tiin thuchhuah an siam.

Hetihlai hian Ederson chuan nimin khan Brazil team a zawm ve nghal a, Brazil tana vawi thum inlan tawh Ederson hian Ancelotti hnuaia khel pha turin theihtawp a chhuah a ngai dawn a, United a zawm hmain World Cup-ah a hming chher a tum ang.