Norway lakah Morocco player an inhliam

Pathianni zan international friendly match khelhah Morocco leh Norway te 1-1 in an inhnehtawk a, mahse Morocco tan Noussair Mazraoui leh Abde Ezzalzouli te chuan hliam tenau an neih avangin Morocco an hlauthawng.

World Cup inbuatsaihna in khelah Morocco-in Real Madrid midfielder Brahim Diaz hmangin goal an khung hmasa a, Norway tan captain Martin Odegaard-a'n a sut a, chak zawk an awm lo.

He inkhelah hian first half-ah Real Betis forward, Abde chu Norway full back Julian Ryerson nen an inchuhna lamah a ke a tina a, first half khel chhunzawm mah se chawlhlawk hman hnuah a khel tawh lo.

Manchester United defender Mazraoui phei chu minute 28-naah thlak nghal a ni. Player pahihte hi hliam na tak an tuar angin lang lo mah se, an dinhmun chiang lo. World Cup khelh nan ni tam a awm tawh loh avangin Morocco an fimkhur a, an khelh chhunzawm tir lo.

Morocco hi Group C-ah Brazil, Scotland leh Haiti te nen an awm ho a, June 14, zing dar 3:30-ah an match hmasa berah Brazil an hmachhawn dawn. Norway pawh group I-ah France, Senegal leh Iraq te an awmpui. Kumin World Cup-a group ngaihven te zinga mi an ni.