Martial leh Monterrey te inṭhen

Manchester United forward hlui Anthony Martial chu a khelh mekna, Monterrey nen an inhriatthiam tawnnain a contract an titawp a, club nei loin a awm mek.

French forward Martial hian nikum September khan, Greek club AEK Athens aṭangin Mexican club Monterrey hi a zawm a, kum hnih atan contract a ziak. Mahse Martial-a'n beisei a phak loh bakah hliam a tibuai a, match 20-ah goal khat chiah a khung thei.

Kumin March khan CONCACAF Champions Cup-a Cruz Azul an hmachhawn ṭumin a inlan a, 4-3 in an chak lo. Hei hi Monterrey tan a inlan hnuhnung ber a ni zui a, thla kaw hnu lekah Mexican club hi a chhuahsan leh nghal.

Kum 30 mi Martial hian Man United-a a hun tawp lam aṭangin a zuih ṭan a, 2024-a Old Trafford a chhuahsan hnuah ngai a awh leh tawh lo. A vanglai hun hmang mek tura ngaih ni mah se a chuai ṭan der. Mahse Martial tan beisei a la bo lo a, bul ṭan ṭhat leh tumin tun nipui lai hian club thar a zawng dawn.