Modric hoin Croatia an chak

Croatia chuan an captain Luka Modric-a hoin Pathianni zan friendly match an khelhah 2-1 in Slovenia lakah hnehna an chang a, Modric hian goal hmahruai a khung. Slovenia-in Andraz Sporar hmangin sut mah se Croatia tan Mario Pasalic-a'n chakna goal a khung.

Tun hmaa an squad ang kha pha tawh lo mah se Croatia an chhe lo a, kumin World Cup hi Modric tan a hnuhnung ber tur a ni tawh dawn bawk avangin awlsam taka tlak mai an tum dawn lo. Chutihrualin 2018 World Cup-a an khelh anga khelh chhuah leh an tum a nih chuan thiehtawp a chhuah a ngai dawn.

Croatia hi group L-ah England, Ghana leh Panama te nen an awm ho a, Croatia hian an June 17, zan dar 1:30-ah an match hmasa berah England an hmachhawn dawn. An group awmna hi 'group of death' tia sawi rem chiah lo mah se, eng team tan pawh chetsual theihna tur a nih avangin group stage paltlang a awlsam dawn lo.