South Africa captain thar Faf du Plessis

AB de Villiers chuan South Africa test team captain a nihna a kalsan a, Faf du Plessis chu captain thar a ni.

Thla hmasa khan South Africa hian Du Ples-sis captain-na hnuai-ah Australia an hneh a, hemi ṭum hian kum 32-a upa De Villiers erawh hemi ṭum hian kiu hliam vangin a inlan ve thei lo. Proteas (South Africa sawina) hian December 26 khian Sri Lanka nen Test match an khel ṭan dawn a, veteran batsman De Villiers hi a la dam hman dawn chuang loh avangin a captain nihna chu kalsan a thlang ta zawk a ni.

Cricket South Africa chief executive Haroon Lorgat chuan, "De Vil-liers-a thutlukna hian amah aiin team a ngai pawimawh tih a chiang hle a ni," tiin captain nihna kalsan ngam De Villiers a fak.

Wicketkeeper-bats-man De Villiers hian kum 2004-a ram tana a khelh ṭan aṭangin test match 106 a khelh tawhin run 8,074 a siam tawh. January thlaa South Africa-in England test series-a an hneh loh zawh aṭangin De Villiers hian captain hna hi a chelh ṭan chauh a, one-day international-ah erawh captain hna hi a chelh chhunzawm thung ang.

South Africa test cap-tain thar Du Plessis hi kum 32-a upa a ni a, ram tan hian Twenty20-ah skipper a ni bawk. De Vil-liers nen an inrual chiah mah se kum 2012 aṭangin test match a khel ṭan chauh a, test match 32 aṭangin run 2,029 a siam tawh thung.