Ramhlun Venglai-in Semifinal lut zo lo

Mahuma Memorial Cricket Tournament khelh mekah nimin khan Ramhlun Venglai chuan run 41-in Kulikawn an hneh lo a, semifinal luh an beiseina a thamral chhunzawm nghal bawk. Kulikawn hian over 39-ah run 130 siamin wicket kua an hloh a, run 33 siam-tu Parvez Ahmed chu run siam hnem ber a ni.

RVL-in semifinal lut turin Zarkawt Lords chunga awma net run rate ṭha zawk an neih a ngai a, run 107 an siam tlin chuan chak zo lo pawh nise semifinal an lut tho ang. Mahse, RVL-in over 33-ah run 89 siamin an out vek a, run 36 siama a tawp thleng dam Lalchhuanliana'n thlawptu a neih ṭhat tawk loh avangin a thiam pali zingah an tel phak ta lo - RVL hi vawi sarih khelhah Zarkawt nen vawi li ve ve chak mah se NRR ṭha zawk Lords-in semifinal an lut.

Chanmarians, Kuli-kawn CC, Chhinga Veng CC leh Zarkawt Lords-te chu semifinal lut chiang tawh ni mah se net run rate hi la danglam thei a nih avangin club inhmachhawn tur erawh hriat theih a la ni lo. Vawiin chawhma dar 9:15 hian Chanmarians leh Chhinga Veng an inhmachhawn ve leh ang.