Final-ah Vana vanduai

Senior Men National Boxing Championship-ah Mizo zingah gold medal la thei an la awm lo - nimin khan Mizo tlang--val John Kenty H.C. Vanhlimpuia chu mid-dle weight (75 kg) final-ah a vanduai zawkah a ṭang.

Nimin khan Gu-wa-hati, Assam-ah ram pum huap boxing inelna chu zawh a ni a, Tuipui tlangval Vana hian final-ah Services Sports Control Board boxer Jaideep chu unanimous decision-in a hneh lo.

LPS Pro Fight-a weight category pahniha champion hmasa thei hmasa ber Vana hian silver medal a dawng a, Thawhṭanni tlai khan fly weight (52 kg)-ah Tuipui tlangval Laldinmawia bronze medal a dawng bawk.

Tuipui boxer Vana chuan, "Ka khing-pui zingah chuan quar-ter-final-a ka hneh Haryana boxer kha a ṭha ber a, final-ah hi chuan ka van-duai a ni. Chak tur zawkah ka inngai a, amaherawhchu ka khingpuite lakah judge-in ṭhat an chhuah a ni. Ka vanduai ka tihrualin hmasawnna tur tam tak ka nei a, gold medal la ngei turin rim takin ka thawk ang. Tunah hian India camp-ah koh ka ni a, hlawhtling turin theihtawp ka chhuah ang," tiin Vanglaini palai a hrilh.

Silver medal dawngtu Vana hian final lut turin first round-ah Arunachal Pradesh boxer Chai Haji chu a knockout a, second round-ah pawh knockout thoin AIP boxer Sukhraj Singh a hneh leh a, quater final-ah una-nimous decision-in Haryana boxer Aditya Mann a hneh leh bawk.

Semifinal-ah Manipuri boxer Nanao Sing chu a knockout leh a, final-ah erawh a khingpui Jaideep nen inhnehtawk mah se a vanduai zawkah a ṭang ta a ni.

Mizoram team hi manager K.Laldawngliana bakah coach pahnih Rosema Colney leh Pawan Singh ten an hruai. Tuipui boxer pahnih John Kenty H.C. Vanhlimpuia (75kg) leh Laldinmawia (52kg) ten medal an hawn a, India camp-ah koh an ni bawk.

Boxer dang panga NT Lalbiakkima (49kg), Zonuntluanga (56kg), Lalmuanpuia (64kg), Andy Chuaua (69kg) leh Zarzoliana (81kg) ten semifinal an thleng pha lo.

Tun ṭum boxing inelna lianah hian Mizoram aiawhin boxer pasarih an chhuak a, medal pahnih an la. Mizo boxer zinga World Boxing Championship-a India aiawh tawh Zoram-thanga meuh pawhin national level senior-ah gold medal a la dawng lo a, Mizoramin boxing-ah hma an sawn tih a hriat theih a rualin hmasawnna tur a la tam hle.