AFC U16 chak

I League Under 16-ah Aizawl FC chuan nimin khan India ram football academy ṭha Sail Bokaro chu R. Lalrintluanga goal hmangin 1-0 in an hneh.

AFC hi an vawi hnih khelhna a ni a, an match hmasa berah Manipur club Neroca FC nen 2-2 in an inhnehtawk. Mizo club hian December 16, chawhnu tlai dar 1:30 hian NRL SPT an hmachhawn ang.

Aizawl FC senior team erawh Tripura-ah an tour mek a, nimin khan Agartala an thleng. I League club AFC hian Team 3 nen match thum an khel ang a, match hmasa ber hi Agartala-ah December 16 hian an khel dawn a ni.