January-ah Chapecoense inkhel dawn

Thlawhtheihna che-sual vanga an player 19 zet chantu Chapecoense chuan chhiatna rapthlak tak an tawh hnua an match hmasa ber chu January 29 khian an khel dawn a, Campeonato Catarinense ( Santa Catarina State League)-ah Internacional de Lages nen an inkhel dawn.

Copa Sudamericana final khel tura an thlawh chhuahna lama chesual ta Brazilian club hian an chhiat tawhna avang khan khawvel hmun hrang hrang aṭangin ngaihventu an nei reng a, Europa tluk-pui inelnaah hian an khingpui tur Atletico Na-cional ngenna angin champion-a puan zui an ni hial.

Mi 71 zet thihna thlawhtheihna chesualah khan Chapecoense hian an players 19 bakah backroom staff engemaw zat an chan a, thi zingah hian an coach Caio Junior pawh a tel. Brazilian club hian an coach thi ta Caio Junior aiawh tur hian Vagner Mancini an ruat leh der tawh a, Santos leh Gremio coach hlui hian nakkum nipui transfer-ah Chape hi friendly match khelhpui tura sawmtu Bar-celona hmachhawn turin Spain-ah a zinpui ang.