AFC Cup Bagan leh Bengaluru Intum thei dawn

Asian Football Con-fe-deration (AFC) in kalphung thar an duan avangin season thara AFC Cup khelh turah India club ṭha pahnih Benga-luru FC leh Mohun Bagan te chu group khatah an awm ho thei dawn.

AFC kalphung thar ang chuan Asia khaw-mualpui chu West Asia, ASEAN, East Asia, Cen-tral Asia leh South Asia-ah te ṭhen niin India hi Maldives, Bangladesh, Bhutan leh Sri Lanka te nen Sout Asian Zone-ah an awm.

India ram aṭangin I League champion chu AFC Cup group stage khel tur chiang sa an ni a, Federation Cup cham-pion-in playoff an khel ang. I League champion Bengaluru hian AFC Champions League Pre-liminary stage-ah Jordan club ṭha Al Wehdat an hmachhawn ang a, Cham-pions League group stage an in petkai zo lo a nih chuan AFC Cup group stage lamah an tla thla ang.

Bengaluru FC hian January 31-ah AFC Cham-pions League preliminary stage khel turin Al Wehdat an mikhual ang a, Mohun Bagan chuan Sri Lanka club ṭha Colombo FC chu hemi ni vek hian khualmualah AFC Cup playoff khel turin an lenchilh ve thung ang. Kolkata club hian Sri Lanka club hi February 7-ah an mikhual ve thung ang a, inkhel pahnih belh-khawmah hnehna ang chang thei a nih chuan AFC Cup group stage lut tur-in Thimpu City leh Mal-dives club Valencia in-khela chak zawk an hma-chhawn leh a ṭul dawn a ni.

AFC Cup finalist Steel-men ( Bengaluru sawina) hian Champions League an khel thei dawn a nih chuan Mohun Bagan hian playoff khelh ngai loin AFC Cup group stage an khel nghal ang a, I League-a pathumna East Bengal-in playoff an khel thung ang. Bengaluru-in Champions League an khelh phak loh a, Mohun Bagan-in AFC Cup an inpetkai chuan team pahnih hi Group E-ah an awm dun thei dawn thung.