Bayern Munich tan Lewandowski a rinawm

Robert Lewandowski chuan Bayern Munich tan a rinawm zia lantir nan kum hnih atan a contract a pawtsei a, German champion tan hian kum 2012 thleng a khel dawn tihna a ni ang.

Poland international Le-wan-dowski hian kum 2014 khan Borussia Dortmund aṭangin an elpui Bayern Munich hi a zawm a, match 122 a khelh aṭanga goal 86 khung tawhin tun season-ah bik inena hrang hrang-ah match 22 inlanin goal 19 a khung leh der tawh.

Kum 28-a upa Lewan-dowski chuan, "Bayern-ah hun rei zawk ka cham chhunzawm dawn a, inremna kan nei thei hi ka lawm hle," tiin a sawi.

Bayern Munich hi Bundesliga hmahruaitu an ni mek a, a zawna a vawi nga nana league champion ni thei turin kawng dik an zawh mek. Champions League lamah group stage paltlang tawhin last 16-ah Arsenal an hmachhawn dawn.

Bayern chief execu-tive Karl-Heinz Rummenigge chuan, "Khawvela striker hriam leh ṭha berte zinga mi kan hnena a cham chhun-zawm tur hi ka lawm a, ani kan chelh ang tho hian player langsar dang pawhin Bayern jersey hak chhunzawm zel an duh ngei ka beisei," tiin a sawi.