Maja tan Wimbledon-ah hmun a awm em?

Grand Slam inelna ngaihhlut Wimbledon chu June 29, 2026 aṭangin khelh ṭan a ni dawn a, French Open finalist Maja Chwalinska khel lo thei dinhmunah a ding. Polish nula Maja hian qualifying aṭanga bul ṭanin French Open-ah final a lut a, Wimbledon khel tur (direct entry) hi May 19, 2026 daih tawh khan tihfel a ni.

Hetih hunlai hian Maja hi world ranking-ah 114 a ni daih a, inelna tak hmachhawn nghal tur hian world ranking-ah 101 tal nih a ngai. Wimbledon khelh theihna kawng awmchhun chu qualifying tournament khelh emaw wild card emaw hmanga khelh a ni.

Mahse, Grand Slam-ah hian wild card hi court chhunga chet ṭhat vanga pek a ni kher lo a, hmunruak pariat chiah a awm avangin Wimbledon-ah chuan British player-te duhsak an ni ang. Serena Williams-i'n tennis inelnaa kir leh a tum thu a tichiang tawh a, singles-a tel tur chuan wild card a mamawh dawn. Chutiang bawkin Serena-i u Venus pawhin Wimbledon khel tur chuan wild card a mamawh ang.

Hei vang hian Maja tana Wimbledon final round khel nghal tur chuan tennis legend hnawl a ṭul dawn. Wimbledon thuneitute kutah Maja hmalam hun a awm.