India-in Afghanistan an sawp

India leh Aghanistan ten June 6 aṭang khan Test match an khel ṭan a, ni thum chhung lekin an khel zo. Shubman Gill captain-na hnuaia khel India-in innings khat leh run 300-in hnehna an chang.

PCA New Cricket Stadium, Punjab-ah India-in bat hmasak an thlang a, KL Rahul (100) leh Shubman Gill (126) ten century an siam ve ve bakah Sai Sudharsan (81), Rishabh Pant (81) leh Wahshington Sundar (52*) ten half century an siam. India hian run 564 an siam a, wicket riat chauh la hloh mah se chak nan a tawkah ngaiin an duh tawk.

Afghanistan bat hun a thleng a, run 152 chauhin an chhanglet. Run tam an siam loh avangin an vuak chhunzawm a ngai a, second innings-ah pawh 112 chauh an siam a, India bowler lakah an thamral.