Mexico City an chawl!

World Cup match hmasa ber khelhna tur khawpui Mexico City sorkar chuan vawiin hi an khawpuiah chawlh an puang a, sikulte chu khar an nih bakah, khawpui sorkar hnathawkte tan office kal a ngai lo.

Mexico City thuneitute chuan Mexico sorkar tana hnathawkte pawh in lam aṭanga hnathawk mai turin a ti a, private firm-te pawh an hnathawkte office kal kher lo a, hemi niah chuan in aṭanga hnathawh phalsak turin an hriattir a ni.

World Cup thlengtu ram zinga mi Mexico sorkar pawhin, July 15-a school session tawp ṭhin chu June 5-ah a lo sawn hma tawh a, hei erawh nu leh paten nasa taka an sawisel avangin, a dan pangngai angin July 15-a khar turin an sawn leh ta zawk.