Sikkim-ah Mizoram pahnihna

A vawi khat nana neih, Sikkim Open International Taekwondo Championship 2026 chu neih zawh a ni ta a, June 6-8 inkara neih inelnaah hian Mizoram chu a pumpuiah pahnihna an ni.

Team 45 inelna tournament-ah hian Mizoram hian gold medal 10, silver medal leh bronze medal pathum ve ve an la a, championship puma mipa best fighter lawmman chu Zohmingthanga'n a la bawk.

Bilkhawthlir tlangval Zohminga hian senior Under-54kg-ah gold medal a la a, team fight leh freestyle poomsae-ah gold a la bawk - a che ṭha takzet.

Mizoram hian an medal leh trophy lak zawng zawng hi an zinchhuah hma lawk thi, MSSC coach R. Lalchhandama, Mission Vengthlang tan an hlan a, "A hnathawh zawng zawng ka hre reng a ni," an ti.

Sikkim-a Mizoram team fehchhuakte hi Sikkim Mizo Welfare ten a hmunah enin an ṭawiawm ṭhin a, Mizoram Taekwondo Association SMW secretary Pastor Lalnunmawia leh NBMWA president Pastor FK Lalchawiliana te chungah lawmthu an sawi.

Mizoram team-te hi player 16 leh coach Lalinpuia Armed veng South, manager Albert Lalrinfela, Bawngkawn Brigade leh head of team Master VLSawma leh Master Joseph Thansanga ten an hruai a, anni bakah hian Vanlalhmangaihthangi leh Joseph Zodinthara te chu referee official niin an kal bawk.