Mizoram aiawh tur Tlangnuam Futsal Club

AIFF Futsal Club Championship 2025-26-ah Mizoram aiawhin Tlangnuam Futsal Club an feh chhuak dawn a, inelna hi June 17-28, 2026 chhung hian Bhavnagar Indoor Stadium, Gujarat-ah khelh a ni ang. Tlangnuam hi 2025 MFA Futsal League champion an ni a, group C-ah Young Utkal Club, FC Bushar leh Coramandal FC te nen an awm ho. Nimin khan TFC hian inelna hmun tur panin Mizoram an chhuahsan.

Result ṭha duhin Tlangnuam hian India team enkawltu leh India hmeichhe team enkawl mektu Joshuah Stan Vaz chu coach atan an hmang a, India aiawha khel Mizo player ṭhate an lak khawm bakah Jayesh Sutar (Gujarat) leh Malhar Shah (Delhi) lain champion rinkai an ni pha hial. Coach Joshuah hote hian June 18, Ningani chhun dar 12:00-ah Young Utkal FC an hmachhawn ang.