Palace leh Sage an inrem

Oliver Glasner-a'n a chhuahsan hnuah Crystal Palace chuan coach thar an melh nghal a, an duh ber Andoni Iraola-a'n Liverpool pan mah se tun season hlawhtling RC Lens enkawltu Pierre Sage nen an inrem tawh a, Selhurst park-a kum thum cham turin contract a ziak dawn niin khawthlang chanchinbuten an ziak.

Conference League champion zo hlim Eagles hian Iraola an chan loh, hnuah Sage la an hawi a, Ligue 1-a Lens pahnihna nihpuitu hian season thara Champions League khel tur kaihhruai ai chuan, Europa League khel tur zawk Palace zawm a thlang

Sage hian season hman zawh takah khan league-a champion Paris St-Germain chauh a tluk lo a, French Cup-ah a champion bawk. A club thar tur Palace hian 15-naah season khar mah se Conference League an champion a, an player 12 zet chu World Cup-ah ram tan an fehchhuak dawn bawk.