Ferrari a chakpui vat ringtu Hamilton

Pathianni zana Monaco Grand Prix tlan zawh a nih hnuah, Lewis Hamilton chuan Ferrari hnehna a chanpui vat a rin thu a sawi a, hmahruaitu Andrea Kimi Antonelli chu a la pawhthlak theih a inbeisei.

Kum 2025-a Mercedes aṭanga Ferrari a zawm hnuah, Hamilton hian March thla khan Chinese GP-ah pathumna niin podium a vawi khat lawnna a ni a, Candian leh Monaco GP-ah pahnih ni lehin hma a sawn hle.

Kum 41 mi Hamilton chuan, "Antonelli nen point 66 laiin inthlau mah ila, tun hnaia kan chet dan enin ka chak hun tur a lo thlen vat ka beisei. A zawna pahnihna nia podium ka lawn theih avangin ka hlim a, ka team-in min puihnaah ka lawm em em bawk a ni," a ti.

Antonelli hian nikum khan Hamilton hi Mercedes-ah a thlak a, kum khat a liam meuh chuan a thlak tak Hamilton hian a tluk meuh lo a, a zawnin vawi nga pakhatna a ni tawh a, kum 19 chauh a la nih bawk avangin a hma hun a êng hle.