Tunge Mizo best player ni dawn?

PVL 2026-ah best player sem a ni dawn a, Mizo player bika dawng tur hriatthiam a harsa hle. Khawbel player Johan Vanneihsanga'n match sarih aṭangin point 126 hmuin point 60 a hloh a, 2024 best player Fabian-a'n match sarihah point 98 a hmu a, Mizo player zingah an thawh hlawk ber.

Johan leh Fabian te hian final-ah an team an hruai thleng ve ve a, dinhmun ṭha bera ding leh rinkai zinga mi an ni. Lawmman dawng tur hi final an khelh dan leh inkhel result-in a hril thei ang.

Rinkai zingah Hunthar captain Remsangzuala a tel bawk a, Lalmama hi thlan a nih chuan Pro Volleyball-a best player atan setter an vawi khat thlanna tur a ni ang. Setter ni mah se Lalmama hian point 28 hmu tawhin point kua a hloh.

State pawn player bakah Mizo player dangte tan best spiker, best receiver leh best blocker te thlan a ni dawn bawk. Hunthar spiker Suryansh Tomar, Sihphir spiker Niyas Abdul Salam leh Khawbel spiker Angamuthu te bakah Zosangzuala (Mama) te buk a rit hle.