World Cup - red card leh a kaihhnawih

FIFA World Cup 2026 opening match-ah red card hmu pathum an awm nghal a, nimin zing thlengin hmuh belh erawh an awm rih lo. South Africa duo Sphephelo Sithole leh Themba Zwane ten hnawhchhuah an ni a, Czech Republic an hmachhawn ṭumah an khel thei dawn lo. Mexico defender César Montes pawhin South Korea a hmachhawn thei dawn lo bawk.

Red card an hmuh hian an match khelh leh hmasak ber tur an khel thei lo nghal a, chutihrualin an red card hmuh chhan a zirin a aia tam hrem theih dan a awm. FIFA disciplinary committee kutah a awm thung.

Group stage-ah yellow card match hnih an hmuh chuan match khat khel thei lo tura hrem an ni dawn. Mexico midfielder Brian Gutiérrez bakah South Africa player Teboho Mokoena leh Nkosinathi Sibisi ten match hmasa berah yellow card an hmu a, match hnihnaah an hmuh leh a nih chuan group match hnuhnung berah an khel thei lo ang. Chutiang bawkin group match tawp bera an hmu leh a, second round an lut a nih chuan knockout stage an khel thei dawn lo.

Group stage zawha yellow card vawi khat chauh hmute chu an card hmuh nuai bo a ni ang a, quarterfinal-ah an card hmuh hi nuai bo leh tur a ni. Second round, last 16 leh quarterfinal-a yellow card pahnih hmute chu match khat an khel thei dawn. Dan tharah hi chuan player ṭhain hrem vangin final khelh theih loh phah a awm dawn lo.