Celtic-ah Timothy Weah

Paris St-Germain stri­ker Timothy Weah chuan thla ruk chhung atan loan hmangin Celtic a zawm, manager Brendan Rodgers chuan an player thar tur hi an tana ṭangkai tak tur a nih thu a sawi.

Kum 18 mi Weah hian Celtic training zawm turin Dubai a thleng tawh a, PSG tana match li khel tawh hia Paris club ṭha tan hmun a la chang tam rih lo a, Scottish club hi atan intuaihriamna ṭha tak a ni thei tura ngaih a ni.

Liberia president George fapa Weah chung­chang sawiin Rodgers chuan, "Player ṭha kan nei sa nual a, anni nen inkhelhna hmun an inchuh ang. A theihna san zia kan hria a, squad ti chak tur chu a ni ngei mai, chutihrualin match tinah minute 90 khel tur chuan thawhrim a ngai hle ang.

"Timothy hi la nau­pang deuh mah se ram tan a khel tawh a, a kum tlem anga teh chi a ni dawn lo, a theihna tak pho chhuak turin keini lam pawhin kan puih theih ngei ka beisei," tiin a sawi.

Rodgers -a naute hian thlasik chawlh an hman hnua an match hmasa ber atan, January 19 hian Airdrieonians nen Scottish Cup fourth round an khel ang.