June 26-ah RAMP Mizoram XCO 2026

Mizoram Cycling Association (MiCA) chuan a vawi lina atan RAMP Mizoram XCO 2026 buatsaih a ni dawn. Inelna hi June 25-26, 2026 khian Aizawl Tlangnuam leh Tlangnuam West Local Council huam chhung, Pharbawk leh a chheh velah thirsakawr (MTB) hmanga neih tur a ni ang.

RAMP Mizoram XCO 2026-ah hian inelna chi hrang pali a awm dawn a; Elite (Open), Junior (Under 19), Sub-Junior (Under 15) leh Masters (Above 40) te an ni. Tlankawng hi km 3.8-a thui a ni a, kawng char ṭhenkhat bakah kawng hluiah te an tlan dawn a, chhuk leh chho a awm nual bawk.

XCO hi Olympic Discipline a ni a, MTB huanga inelna National Championship-a Mizote'n medal kan lak theihna hmasa ber a ni. 22nd National MTB Championships 2026 (Under 23 )-ah Lalrinsanga, Pangbalkawn chuan bronze medal a lo hlawh chhuak tawh. Inelna chungchanga hriatchian duh nei tan 9862326440 (Elzeta) leh 9612310929 (Gos-a) te biak pawh theih a ni.