Gvardiol-a'n contract thar ziak dawn

Manchester City defender Josko Gvardiol chu European club lianten ngaihven mah se, Etihad Stadium chhuahsan tumna a nei lo a, contract thar a ziak dawn niin khawthlang medua-te chuan an tarlang.

Kum 24 mi Gvardiol hian kum 2023 khan RB Leipzig aangin City hi euro maktaduai 90-in a zawm a, kum nga chhung atana contract ziakin, English club-ah hian kum 2028 thleng khel turin contract a la nei.

Croatia international hian season hman zawh takah khan hliam vangin match a khel tam tawk lo a, thla li zet inkhel thei loa a inenkawl avangin, inelna hrang hrangah match 25 chauh a khel.

Mahse, season tawp lamah dam hmanin, City match hnuhnung pathum zinga pahnihah a inlan a, World Cup khel tur Croatia squad a zawm zui - kum 24 chauh a la nih avangin hmabak a la nei êng viau bawk.

Hetiang boruak karah hian European club lian tam takin an ngaihven a, German champion Bayern Munich chu hming langsar an ni. Mahse, amah la luttu Pep Guardiola chhuak dawn mah se, City-a cham a thlang a, chhuah tumna a nei lo.