Rockets tan Harden leh Capela

Nimin zing NBA regular season inkhelah Houston Rockets chuan Denver Nuggets 25-113 in an hneh a, season bul ṭan fuh lo mah se tun hnaiah an khelh ṭhat chhoh em avangin Western Conference table-ah pangana dinhmun an luah leh tawh.

Rockets tan hian James Harden chuan court chhungah minute 40 hun a hman chhungin point 32 a score a, Clint Capela chuan NBA match bika a point score hnem ber ṭum tawng turin point 31 a nei thei bawk.

Most Valuable Player Har­den chuan a teammate Capela chungchang sawiin, "A nihna leh theihna tak chu tun ṭumah khan a rawn tarlang. A khel ṭha em em a, point a neih hnem bakah khan rebounds vawi kua a la tel bawk a ni," tiin a fak thiam hle.

Inkhel dangah Boston Celtics tan tun hnaia match hnih khel thei lo Kyrie Irving a rawn kir leh ta a, Celtics hian Nets lakah 116-95 a hnehna changin, season kal laia vawi 24 an chak tlinna ni an tawng chiah.