Entawntlak Japan ṭantute

FIFA World Cup 2026-ah Japan ṭantuten kum danga an tih ṭhin ang bawkin inkhel en zawhah stadium tihfai hna an thawk. Dallas Stadium-ah Japan leh Netherlands te 2-2 in an inhnehtawk a, inkhelh banah stadium chhunga bawhhlawhte an chhar fai a, fak an hlawh hle.

Japan ṭantute hian inkhelh zawha stadium tih fai hi kalphungah an nei tawh a, kum 1998 aṭang khan an ṭan daih tawh. Stadium hnathawkte tih atana dah loin anmahniin an tifai mai ṭhin a, an thupui chu 'Tatsu tori ato wo nigosazu' tih a ni a, Mizo ṭawng chuan ,"Savain engmah a hnutchhiat ngai lo," tih a ni.

Japan ṭantute chauh ni loin player-te pawhin dressing room fai takin an kalsan ṭhin a, Netherlands nen an inhnehtawk zawhah pawh fai takin an kalsan. FIFA World Cup 2022-ah pawh khan Japan hian last 16-ah Croatia hneh loin an tla a, dressing room fai takin an kalsan a, fak an hlawh hle. Mizote tan pawh Japan ṭantute leh player-te chet dan hi entawn atan a duhawm hle.