Tlak hlau Czech leh South Africa

An match hmasa bera chak lo ve ve Czech Republic leh South Africa te zanin dar 9:30-ah an inhmachhawn dawn a, an chak lo leh a nih chuan round of 32 lut turin an match hnuhnung bera an chak bakah, group danga pathumna aia an ṭhat a ngai tawh dawn.

Goal an khung hmasak hnuah Czech Republic-in South Korea lakah goal thum chhuahin an tlawm a, an match hmasa berah hnehna chang turin an ṭang tawk lo. South Korea lakah an tlarhmate an bo tluan a, an chhuanvawr Patrik Schick a nil hle. South Africa lakah chak an tum a nih chuan Bayer Leverkusen forward hi a chet ṭhat a ngai tawh dawn a, West Ham tana khel dun ṭhin Tomas Soucek leh Vladimir Coufal te an pawimawh bawk ang.

South Africa erawh Mexico lakah Yaya Sithole leh Themba Zwane ten red card an hmuh avangin an inlan thei dawn lo a, Bafana Bafana (South Africa sawina) tan channa nasa tak a tling.

Player langsar an kawl tam lo a, Burnley tana khel Lyle Foster chu an innghahna ber a ni a, mahse Foster hian ball ṭha a hmu ngai meuh lo. Czech Republic hneh turin Foster hi a teammate ten a hma aia ṭhain an thlawp a ngai tawh ang.