CYMA Volleyball - Entry fee pek theih

Central YMA leh Mizoram Volleyball Association (MVA) ṭangkawpin 24th Inter Branch YMA Volleyball Tournament 2026 an buatsaih dawn. Entry fee a pek ṭan theih tawh a, July 17, 2026 thleng Central YMA Office leh GPay no. 9774263515-ah a pek theih. Entry fee hi mipa leh hmeichhe team tan Rs. 1000 ve ve a ni.

Central YMA Volleyball ben hawnna hi July 31, 2026 zan dar 8:00 hian Central YMA Hall, Tuikhuahtlangah neih a ni dawn a, he hunah hian branch aiawh pakhat bakah captain leh manager ṭheuh tel tur a ni ang.