LeBron leh Lakers in inbiakna nei?

Inkhelh a chawlhsan dawn tih thuthang a awm mek laiin, Lebron James chuan season tharah Los Angeles Lakers tana khel chhunzawm turin contract thar a ziak dawn nia sawi a awm a, kum 41 mi hian inkhelh a la tum hmel hle.

James hian season liam ta khan Lakers tan game khata point 23.2, assist 7.3 leh rebound 6.7 nei ang a ni a, a team chu second round hruai thleng mah se Oklahoma City Thunder lakah an tlawm thung. Lebron hi a kum upa ve deuh tawh mah se, player tam tak aiin a la khel ṭha zawk

American forward hi inkhel zel tur angah ngaih theih tawh mah se, amah berin a dinhmun tichiang turin July emaw August thlaah thutlukna a siam dawn tih a sawi thung. James hian season hman zawh takah khan a Lakers-a a contract a hmang zo a, free agent a ni mek.

James chuan, "June thla tawp lam, July thla a rawn inher chhuah hian free agency boruak pawh a nung chho ṭan a. July thla vel, a nih loh pawhin August thla tir dawn lamah hian ka hmalam hun chu kan hrethiam chho ang. Ka game nuam tih em em basketball level sang tak khel zel turin ka taksa a la ṭha tawk," a ti.