Diaz hoin Colombia an chak

Colombia chuan an thiampuipa Luis Diaz-a'n goal leh assist a nei a, World Cup vawi khat khelhna Uzbekistan chu 3-1 in an hneh a, Portugal awmna group K-ah hmahruaitu an ni.

Los Cafeteros (Colombia sawina) tan Diaz bakah Daniel Munoz leh Jaminton Campaz ten goal khat ve ve an khung a, Uzbekistan tan Abbosbek Fayzullaev-a goal khung chu scoreline timawitu chauh a ni.

Ningani zing inkhelah goal a lut lawk lo a, Colombia-in inkhel thunun mah se an chance neih an chhawr ṭangkai thei lo. First half tawp hma hretin Munoz-a'n hmahruaina goal a khung a, chawlhlawk an hmang zui nghal.

Second half-ah Uzbekistan-in hma an sawn hret a, Fayzullaev-a'n an siphurh a sut. Mahse minute nga hnu lawkah Diaz-a'n an goal khungin a team hma a hruaipui nawn a, Injurty time-ah Campaz-a'n an chak nemnghehna goal a khung a, harsa lutuk loin Colombia an chak.

Colombia tan Diaz bakah James Rodriguez-a'n bula ṭan a, 2014 World Cup top scorer dam ṭhat hi Colombia tan lawmna tham a tling, thlen san an tum a nih chuan Diaz leh James te an chetṭhat a ngai ang.