SKorea-in inthlana ballot paper indaih loh chhan chhui

South Korea parliament chuan kumin June 3-a local election neiha ballot paper indaih loh avanga vote thlak lama harsatna thleng chungchangah National Election Commission a chhui a, ni 45 chhungin chhui hna hi zawh fel a ni ang.

Vote thlak hnua ballot paper indaih lohna thleng vang hian mipui lam pawhin lungawi lohna an lantir a, NEC hotu pawh a ban phah bakah, president Lee Jae Myung chuan he thil thleng hi uluk taka chhui turin a ti bawk a ni.

Special parliamentary committee chuan NEC leh regional election commission te chu chhuiin, mipui voting rights palzutna lian tak a ni tih an sawi a, inthlan buaipuitute chuan insiamṭhat an ngai a ni, a ti. National Assembly speaker Cho Jeong-sik chuan parliament lamin an chhui chianna aṭangin thil fel lo te hriat chian a ni ang a, mipuiin an rin ngam tura insiamṭhatna kawng a siam dawn tih a sawi.

NEC acting secretary-general Kang Dong-wan chuan lungawi lohna lantirna hnenah commission chuan an inbuatsaihna ṭha tawk lo avangin hrehawm an ti hle tih sawiin, a chhui chian hna thawhnaah pawh ṭha taka an thawhpui tur thu a sawi bawk. NEC official chuan ballot paper indaih lohna hi polling station 91-ah thlengin, hei vang hian local election neih hi hmun 26-ah tihtawp lailawk a ngaih phah tih a sawi a ni.