Canada hmabak a êng

FIFA World Cup-a point la hmu ngai lo Canada-in inelna an thlen hnuah point khat hmuin bul an ṭan a, nimin zingah phei chuan Qatar 6-0 in an sawp. Canada tan Jonathan David-a'n hattrick a siam a; Cyle Larin leh Nathan Saliba ten goal khat ve ve an khung bakah Qatar player Mohammed Manai-a'n an lamah a tilut bawk.

Canada hian point li an hmuh bakah goal difference 6 ngawt an neih avangin chhiarkawp danin second round la lut lo mah se knockout stage lut ngai tura ngaih an ni. Inelna thlengtu hian June 24, Nilaini zan dar 12:30-ah anmahni ang bawka point thum hmu Switzerland an hmachhawn ang.