Iran hmaah Belgium

Team ṭha zinga chhiar tel Belgium chu Pathianni zan dar 12:30-ah Iran nen an intawng dawn a, Belgium hi chak tura ngaih ni mah se, tun hnaia an chet dan thlirin beisei san an harsa a, Iran lakah chak an tum tawh dawn.

Belgium hi an golden generation hun a liam tawh a, mahse Europe club langsara player an la kawl hnem avangin dah hniam ngawt theih an ni bik lo.

Belgium tan Romelu Lukaku chu bul ṭan turin a inpeih tawh a, kum 33 mi Lukaku hi Egypt laka goal an khung theih nana tha thawhhlawk ber a ni. Belgium hian tlarhmaah Charles De Ketelaere nei mah se Lukaku a tluk lo tih hai rual a ni lo.

Napoli forward Lukaku hi Kevin De Bruyne, Jeremy Doku leh Youri Tielemans ten an thlawp ṭhat a pawimawh bawk ang. Iran erawhin kum dang angin player langsar an kawl hnem lo a, Inter Milan forward hlui Mehdi Taremi chu an innghahna a ni dawn. Brighton & Hove Albion tan pawha khel tawh Alireza Jahanbakhsh an nei bawk a, anni pahnih hi an chet ṭhat a pawimawh ang.