Switzerland chakpuitu Manzambi

Switzerland-in chak hmel an hmu ta a, Ningani zan khan Bosnia and Herzogovina 4-1 in an sawp. Nati (Swiss team sawina) tan Johan Manzambi-a'n goal hnih a khung a, Rubén Vargas leh Granit Xhaka ten goal khat ve ve an khung bawk.

Inglewood-a inkhelah first half-ah goal a lut lo a, minute 71-naah Dan Ndoye aiah Manzambi a rawn lut. Kum 20 mi Manzambi hian a luh aṭanga minute linaah goal hmahruai a khung a, minute 90-naah a khung belh leh bawk. Injury time-ah Switzerland hian penalty an hmu a, hattrick siam thei dinhmuna ding Manzambi aiah Xhaka-a'n a pet ta thung.

Sweden striker hlui Zlatan Ibrahimovic chuan, "Xhaka hi tawnhriat nei ṭha tak a ni a, khami vang tak khan kum naupang zawk Manzambi kha penalty a pet tir tur a ni. Hattrick han siam chiah se, khawvelin an hre lehzual ang a, veteran player penalty aṭanga goal khung erawhin ngaihven a hlawh lo ang," tiin a ngaihdan a sawi.

Kum 20 mi Johan Manzambi hian hattrick siam lo mah se man of the match-ah thlan a ni tho a, SC Freiburg striker hi a che ṭha zui a nih chuan nipui bazarah ngaihven a hlawh khawp ang.