Vawiinah HPC Cup semifinal

Mizoram chhim lam district pali Lunglei, Hnahthial, Lawngtlai leh Siaha District te huap 15th HPC Cup 2026 Inter Local/Village Council Football Tournament-ah India forward Lallianzuala Chhangte telna Zohnuaiin semifinal an lut zo lo. Inrinni khan Zohnuai hi Serkawnin 4-2 in an hneh a, Edmund Lalrindika telna Bazar Veng erawh semifinal an lut thung.

Ṭhuamluaia Mualah vawiin hian semifinal khelh a ni dawn a, final khel tur zawnna hi double leg-a khelh tur a ni. Chawhma dar 11:00-ah Zobawk leh Zotlang te an inkhel ang a, chawhnu dar 1:30-ah Bazar Veng leh Serkawn te an inkhel ang.

Serkawn hian Zotlang 4-2 a an hneh ṭumin Lalramnunmawia, Lalramdinsanga, HP Lalremruata leh Lallawmsanga ten goal khat ṭheuh an khung. Bazar Vengin semifinal lut turin Hnahthial South II an hneh a, Aizawl FC striker Zomuansanga'n hattrick a siam bakah Edmund leh K. Lalawmpuia ten goal khat ve ve an khung.