India fencer no. 1 enkawltu Mizo physio

India-in a vawi khat nan Asian Senior Fencing Championships 2026 a thleng a, inelna hi Delhi-ah June 19, Zirtawpni aṭang khan neih ṭan niin June 24, Nilainiah khar a ni ang.

Fencing-ah hian India number 1 chu Bhavani Devi a ni a, Chennai nula hi Indian fencer zinga Olympic-a inlan hmasa ber a ni. Bhavani hian tun ṭum inelnaah hian mimal bik physiotherapist atan Mizo nula Dr Lalthutiamngheti a hmang.

Tiami hian nikum khan Indian Association of Physiotherapists (IAP) Women Cell and Physio Manthan 2025-ah Outstanding Woman Physio Award a dawng tawh a, India squash team leh hmeichhe football team-ah physio hna a chelh tawh. Tunah hian Champhai Vengsang nula hian SRI Ramachandra Institute of Higher Education and Research, Centre of Sports Science, Chennai-ah senior lecturer hna a thawk mek a ni.