Table Tennis app tlangzarh

Mizoram Table Tennis Association (MTTA) chuan an hnuaia tennis player, club leh district association-ten an hman tur, MTTA App chu June 18, Ningani khan an tlangzarh.

App tlangzarhna hun hi Mizoram Lokayukta Office, MINECO-ah neih niin, Mizoram Lokayukta member Lalsanglura'n a tlangzarh a, MTTA App developer Dr. C. Zorammuana chuan MTTA App hman dan tur a sawifiah bawk.

MTTA APP hi MTTA Ranking App, MTTA Entry Form App leh MTTA Hall Management App te an ni a, ranking app hi

MTTA Ranking siamna tur leh player ten Ranking an en theihna tur bakah mahni rank, point leh tournament khelh dan kimchang ena download theihna tur a ni.

MTTA Entry Form App hi tournament siam dawna thil ṭul zawng zawng entry fee, category leh seeding siamna tur a ni dawn a, MTT Hall Management App hi MTT Hall tana siam; hall dinhmun, hawn leh khar a nih dan en theihna, hall Fee pek dan kimchang en na tur te, pawl leh a huhoa Hall hmang duh tana book theihna te bakah QR Code hmanga en tur Gate pass te dah tel a ni bawk.

Heng App pathum bakah hian MTTA website leh MTTA Social media account hrang hrang awlsam taka hmehchhuah theih tura dah tel a ni bawk.