World Cup-ah goal 100 a lut tawh

Pathianni chawhma thleng khan FIFA World Cup-ah goal 109 a lut tawh a, match tina goal 3.03 lut ang zel a ni. Kumin inelnaah hian goal 100 thleng tur hian match 33 chauh an mamawh a, goal 100 luh ran ber ṭum a ni.

Liverpool forward Cody Gakpo-a'n Netherlands tana Sweden laka goal lina a khung chiah khan goal 100-na hi a khung a, Oranje hi 5-1 in an chak zui bawk. Tun ṭum inelna aia goal 100 luh hma ṭum chu kum 1954-a Switzerland-a inelna neih ṭum kha a ni a, goal khung turin match 20 chiah an mamawh.

Kum 2014 World Cup-ah khan goal 100 lut turin match 36 khelh a ni a, kum 1982 nen match mamwh zat a inang chiah. Tun ṭuma goal luh tam chhan hi team inthlauh vangah a ngaih theih a, chutihrualin inhnehtawk tura ngahi Netherlands leh Sweden inkhelah ringawt pawh goal ruk a lut tih hriat a ṭha.