Doku-a'n chhungkua ngai pawimawh hmasa

Jeremy Doku chu a nupui Shireen-i'n fa a neih dawn avangin FIFA World Cup-a inkhel pawimawh kalsana haw a tum. July thla kar hnihnaah fa an nei dawn a, Doku hi an ramah a haw a nih chuan World Cup quarterfinal-ah a inlan thei lo ang.

L'Equipe channel presenter France Pierron chuan Doku thutlukna hi a sawisel a, nuin fa an neih laiin mipain pawimawhna an nei lo, tiin a sawi. Mahse, L'Equipe pawin ngaihdam an dil a, France Pierron pawhin ngaihdam a dil leh hnuhnawh bawk.

Doku hian Egypt nena 1-1 a an inhnehtawk ṭumin minute 86 a khel a, Iran nen goal awm loa an inhnnehtawk ṭumin damlohna avangin a inlan thei lo.

Manchester City forward Doku chuan, "Ka duh min zawt a nih chuan, tumahin an fa hmasa ber pian laia awm loh an duh lo ang. Football-ah chuan inhriatthiamna thui tak a awm a, football thuneitute pawhin player-te an thlawp ṭhat bakah an harsatna an hrethiam ṭhin. Eng nge thil thlen dan kan hre zui zel ang," tiin a sawi.

Doku duh anga thil a thleng a nih chuan Belgium-in quarterfinal an khelh hunah a inlan thei dawn lo a, Red Devils tan chânna nasa tak a ni thei ang.

French journalist France Pierron hian Doku thutlukna hi sawisel mah se footballer-te chuan an hrethiam hle. Kum 2018 khan Fabian Delph chu fa an neih dawn avangin Russia ram aṭangin a haw a, Manchester City midfielder David Silva pawh a fapa avangin match hnih a khel lo. Kar liam ta khan Norway defender Leo Ostigard chuan a nupuiin fapa a neihsak lai chu video call hmangin a en bawk.