Newcastle-in Spurs dilna an hnawl

Tottenham Hotspur-in Italian midfielder Sandro Tonali la lut turin Newcastle United chu pound maktaduai 80-in an dawr a, Magpies hian a dilna hi an hnawl.

Kum 26 mi Tonali hi Spurs manager Roberto de Zerbi player duh zawng a ni a, mah se la lut tur chuan sum an sen tam ngam a ṭul dawn. Manchester City leh Arsenal pawhin Tonali hi a ngaihven a, hei vang hian a man hi £100mtd kai chho thei tur a ni.

Newcastle hian an player pawimawh Anthony Gordon chu Barcelona hnenah an hralh tawh a, an sum dinhmun a ṭhat avangin Tonali hi an phalna ang zat lo chuan an chhuah dawn lo. Tunah hian Tonali hian kum 2030 thleng contract a nei mek.

Tun nipui bazarah midfielder hoin ngaihven an hlawh a, Tonali duhtu an tam. Manchester City pawhin England midfielder Elliot Anderson chu maktaduai 120-in lei an tum a, Nottingham Forest-in hralh an phal lo. Premier League aṭanga relegate West Ham pawhin Mateus Fernandes an phalna chu £80mtd chho daih a ni bawk.