Tlangnuam FC-in quarterfinal an lut

AIFF Futsal Championship-ah Tlangnuam FC chuan FC Bushahr 14-2 a an sawp hnuah nimin khan Coramandal FC 13-1 in an sawp leh a, Mizo club hian quarterfinal an lut.

Bhavnagar, Gujarat-a inkhelah Hafis Alakkaparamba hmangin minute riatna lekah Coramandal FC-in goal khung hmasa mah se a vawtuin ek a cheh, tih ang chauh a ni. Mizo club-in second 20 pawh tling loah an chhanglet nghal.

Tlangnuam tan PC Lalremruata, Rony Lalenkima leh Laltluangzela ten hattrick an siam a; H. Lalrinzuala, Lalrochama, Lalremtluanga leh K Roluahpuia ten goal khat ṭheuh an khung a, Mizo club hi 13-1 in an chak. Nilaini hian quarterfinal khelh a ni dawn a, Tlangnuam hmachhawn tur a hriat loh.