Spurs an tho

Tot-tenham chuan Manchester United an hneh loh hnuah Premier League nomawi beisei ngam an nih zia an lantir chhunzawm. White Hart Lane-ah an mikhual Hull City chu 3-0 a sawpin league table-ah pangana an ni.

Tottenham tan hian midfielder ball pet thiam Christian Eriksen chuan goal hnih khungin Victor Wanyama-a'n goal khat a thawh ve bawk. Spurs hian an khelmual bikah a zawnin league match 16 chhung goal an khung ta - Premier League club zinga hetianga goal khung zawn rei thei club dang an awm lo.

Spurs boss Mauricio Pochettino chuan, "Inkhel kan thununa, a pawimawh ber erawh point thum kan hmu hi a ni. Tlak hlau nena inkhelh chu kawng tam takah a harsa duh hle a, chuti chunga hnehna kan chang thei hi a lawmawm," a ti.

Inkhel dangah Salo-mon Rondon chuan Pre-mier League-a a hattrick hmasa ber siamin West Brom chu Swansea City lakah 3-1 in hnehna a chanpui. West Ham-in Arsenal leh Manchester United an hneh loh hnuah Mark Noble-a goal hmangin Burnley 1-0 in an hneh ve bawk.